Agjenti konfirmon të ardhmen e Januzajt

12 Janar 2017 - 14:15      

Agjenti i anësorit të Manchester Unitedit, Adnan Januzaj, ka insistuar se klienti i tij është i lumtur me huazimin te Sunderlandi, përkundër interesimit që ka shprehur Lyoni për të.

Mediat franceze dje kanë raportuar se Lyoni ka shprehur interesim për mesfushorin shqiptar, i cili nuk ka klauzolë lirimi nga “Macet e Zeza”.

Përfaqësuesi i Januzajt, Dirk Devriese, ka pranuar se ka shumë klube franceze që kanë shprehur interesim për 21-vjeçarin, por ka insistuar se nuk e ka në plan të largohet nga “Stadium of Light”.

“Lyoni është njëri prej shumë klubeve franceze që kanë shprehur interesim për Adnanin”, ka thënë Devriese për HLN. “Për shkak të respektit, ne dëgjuam ofertat. Sidoqoftë, vendimi varet nga Manchester Unitedi dhe ne nuk kemi dëgjuar se klubi dëshiron ta shesë Adnanin”.

© KOHA