FBK-ja kursen klubet nga i ftohti, por jo edhe BIBL-i

7 Janar 2017 - 09:25      

Të gjitha klubet e Superligës në basketboll janë pajtuar që fillimi i stinorit pranveror të shtyhet për një javë, ndonëse tri klubet kryesore në vend kanë ndeshje zyrtare para ditës në të cilën është dashur të luhej xhiroja e parë e pranverës.

Ishte Bordi i Federatës së Basketbollit të Kosovës (FBK) që të premten vendosi për shtyrjen e fillimit të stinorit pranveror në Superligën e basketbollit. Stinori pranveror është dashur të niste më 14 janar, ndërsa në bazë të vendimit të ri do të nisë më 21 janar, shkruan sot Koha Ditore.

Megjithatë, para 21 janarit tifozët e basketbollit në vend do të kenë mundësinë që nga afër në ndeshje zyrtare t'i shohin Sigal Prishtinën, Pejën, Bashkimin e Trepçën, por në kuadër të Ligës Ballkanike e jo në kuadër të kampionatit të Kosovës. (Më gjerësisht mund të lexoni sot në Koha Ditore).

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.