Urime, Bes: Berisha hyn në histori të futbollit në Australi

2 Janar 2017 - 14:29      

Besart Berisha u bë golashënuesi më i mirë në historinë e ligës superiore australiane, A-League, kur skuadra e tij Melbourne Victory shënoi fitoren 4-2 në shtëpi kundër Newcastle Jets.

Ish-përfaqësuesi i Shqipërisë, që tani ka deklaruar se do të luajë për përfaqësuesen e Kosovës në të ardhmen, shënoi nga pika e bardhë 30 minuta pas fillimit të ndeshjes për të arritur në shifrën e 91 golave të shënuara në këtë garë, duke e kaluar rekordin që më parë e ndante me ish-bashkëlojtarin e tij, Archie Thompson.

“Ia doli. Besart Berisha ka thyer rekordin historik të A-League për gola të shënuar. Urime, Bes”, ka shkruar skuadra në Twitter, transmeton Koha.net.

He's done it! @BesartBerisha7 has broken the #ALeague's all-time scoring record. Congratulations, Bes! #MVCvNEW pic.twitter.com/MJO5OhW31M

— Melbourne Victory (@gomvfc) January 2, 2017

Berisha në këtë ndeshje ndikoi edhe në golin e Marco Rojas për të dyfishuar avantazhin e Victory katër minuta më pas, dhe kështu Rojas shënoi golin e nëntë këtë sezon.

“Të përgëzoj vëlla Besart Berisha. Nëse do të duhej që rekordi im të thyhej, jam i gëzuar që u thye nga një profesionist i vërtetë”, ka shkruar Thompson në profilin e tij në Twitter.

Well done my brother @BesartBerisha7 🙏🏾🙏🏾🙏🏾 if my record was to go I'm glad it's gone to a true professional🙌🏾🙌🏾✊🏾

— Archie Thompson (@10Archie) January 2, 2017

Kjo fitore forcon pozitën e dytë të Victorys në tabelë dhe i sjellë 7 pikë larg liderit të tabelës, Sydneyt.

Jets, ndërkaq, janë në pozitën e 7-të me vetëm 3 fitore nga 13 ndeshje, ndonëse kjo disfatë ishte e para në katër ndeshje.

© KOHA