Januzaj: Do t’ia vështirësojmë Liverpoolit punën

2 Janar 2017 - 13:33      

Nëse Sunderlandi luan sikurse në ndeshjen kundër Burnleyt, ku u mposhtën 4-1 si mysafirë, edhe kundër Liverpooli, skuadër të cilën e presin sot në orën 16:00 në shtëpi, ata do të jenë në pjesën tabela e cila i dërgon në Ligën e Parë angleze.

Kështu ka deklaruar Adnan Januzaj, skuadra e së cilit u shkatërrua në natën e Vitit të Ri në Turf Moor.

“E dimë se nuk guxojmë t’i bëjmë gabimet që i bëmë edhe kundër Liverpoolit, sepse në të kundërtën do të jemi shumë keq”, ka thënë Januzaj, i cili është në huazim nga Manchester United, transmeton Koha.net.

“Por na duhet të kthehemi dhe t’ua vështirësojmë atyre”, shtoi ai.

“Do të japim gjithçka nga vetja që të përgatitemi për Liverpoolin. E dimë se mund ta fitojmë ndeshjen nëse e japim maksimumin para fansave tanë”, ka përfunduar ai.  

© KOHA