Ndeshja në Gërmi vuri themelet e futbollit të pavarur

2 Janar 2017 - 15:00      

Sapo futet në fushën prej çimentos në parkun e Gërmisë, te Shaban Baholli vërehet një emocion tjetër. Ai fillimisht ndalet në qendër dhe i lëshon një shikim gjithë fushës së mbuluar me borë, në një ditë dhjetori.

Shpejt konstaton se në të nuk kanë ndryshuar shumë gjëra nga 25 vite më parë, kohë nga e cila ruan një kujtim të bukur, shkruan “Koha Ditore”.

“Vetëm shtyllat e rrethojat nuk kanë qenë. Nuk ka ndryshuar shumë, pothuajse është ambienti i njëjtë që ishte edhe para 25 vjetësh”, thotë Baholli derisa me dorë tregon nga shkallët që shërbejnë si tribuna se gjendeshin disa tifozë dhe një tavolinë me një makinë të shkrimit.

Mbi atë tavolinë është shtypur protokolli i ndeshjes së parë të futbollit pas pavarësimit të këtij sporti në Kosovë.

Në protokoll janë të shkruar me laps kimik edhe njëzet emra të lojtarëve, të cilët ishin pjesë e kësaj ndeshjeje historike. (Artikullin e plotë mund ta lexoni në numrin festiv të Kohës Ditore, që mbetet në treg deri të martën më 3 janar) 

© KOHA. Të gjitha të drejtat janë të rezervuara.