Andy Murray merr titullin “Sir”

31 Dhjetor 2016 - 13:10      

Vitit të mahnitshëm të Andy Murrayt i ka ardhur fundi sot kur ai është nderuar nga Britania e Madhe me titullin e kalorësit, por skocezi ka insistuar se nuk dëshiron të quhet “Sir Andy”.

Tenisti i bashkohet listës së sportistëve olimpikë që arritën sukses në Lojërat Olimpike të Rios. Në listën që kanë marrë titullin e kalorësit janë Mo Farah dhe fituesja e medaljes së artë olimpike, Jessica Ennis-Hill.

Murray sivjet fitoi për herë të dytë në karrierë titullin e Wimbledonit dhe Olimpiadën. Skocezi arriti pozitën e parë në ranglistën botërore për herë të parë në karrierën e tij, transmeton Koha.net.

Një burim i afërt me tenistin ka thënë se Murray nuk do të pranojë titullin dhe refuzon që zyrtarisht të quhet Sir Andy në Wimbledon.

Zyrtarët kanë thënë se Murray, 29-vjeçar, bëhet personaliteti më i ri që merr titullin e kalorësit në kohërat moderne.
 

© KOHA