Giroud mbetet tek Arsenali

28 Dhjetor 2016 - 11:23      

Olivier Giroud ka paralajmëruar se është afër vazhdimit të kontratës me Arsenalin, përkundër sezonit të vështirë që po e përjeton francezi në klub.

30-vjeçari të hënën ndaj WBA-së realizoi gol në ndeshjen e tij të parë të cilën e luajti nga minuta e parë.

Deri të hënën, Giroud ishte zëvendësues ose luajti nga fillimi në garat tjera shkaku i formës së mirë të Alexis Sanchez.

“Erdha pak vonë nga Euro dhe ishte mirë për trupin tim sepse mund të pushoja, por nuk ishte mirë [në ekip] pasi ata ishin në formë dhe një sulmues tjetër po luante mirë”, ka thënë Giroud për Sky Sports.

“Ky sezon ka qenë i vështirë për mua sepse isha i lënduar. Nuk dua të flas shumë për këtë, por ishte ditë e madhe për mua sepse shërbeu si pikë kthese për ekipin”, ka shtuar sulmuesi francez.

“Njerëzit kanë thënë se kam nënshkruar kontratë të re – kjo nuk është e vërtetë, por ndoshta do të ndodhë së shpejti”.

© KOHA