Peshëngritësi nga Kiribati bëri bujë me vallëzimin plot mesazh [video]

27 Dhjetor 2016 - 09:16      

Shumë pak veta do të mund të kujtojnë emrin e fituesit të medaljes së artë në kategorinë deri 105 kilogramë në peshëngritje në Lojërat Olimpike "Rio 2016". Shumica do të mbajnë në mend sportistin me buzëqeshje të theksuar që vallëzoi pasi zuri vendin e 14-të.

David Katoatau është një aktivist i ndryshimeve klimatike, ndonëse nuk ngjason i tillë, shkruan The Guardian. Një peshëngritës nga Kiribati, një ishulli që gjendet në Oqeanin Paqësor, Katoatau kurrë nuk ka pasur synim të bëhet ambasador për vendin e tij të vogël. Por, pasi që rritja e nivelit të ujërave rrezikon ekzistencën e Kiribatit, olimpisti e pa të nevojshme të ngrejë vetëdijesimin.

Vallëzimi ka qenë gjithmonë pjesë e rutinave të Katoataus gjatë peshëngritjes, përcjell Koha Ditore. Ai vallëzon kur fiton dhe kur humb.

Katoatau së pari bëri këtë festim të tij pasi fitoi medaljen e artë në Lojërat e Commonwealthit të vitit 2014 në Glasgow dhe më pas ra në qendër të vëmendjes botërore me vallëzimin e tij në Rio de Janeiro gjatë Lojërave Olimpike. Por prapa atij vallëzimi festues është një mesazh serioz. Vendi i Katoataus është i rrezikuar nga ngrohja globale.

"Unë dua të shoh një të ardhme për Kiribatin dhe rininë atje. Nuk dua që vendi im të zhduket", ka thënë ai.... (Artikullin e plotë mund ta lexoni në numrin e sotëm të Kohës Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA