Nuhiu shpreson të debutojë me Kosovën në mars

27 Dhjetor 2016 - 09:02      

Sulmuesi shtatlartë i skuadrës angleze Sheffield Wednesday, Atdhe Nuhiu, shpreson të debutojë në muajin mars me fanellën e Përfaqësueses së Kosovës.

Nuhiu ka thënë se për të mirën e tij dhe të Kosovës është që leja prej FIFA-s të vijë sa më shpejt. Ish-reprezentuesi i ekipit Shpresa të Austrisë është duke pritur lejen nga FIFA për të ndërruar përfaqësuesen.

"Kosova ka bërë një numër të madh të lojtarëve dhe nuk e di se si janë planet e trajnerit. Por shpresoj që së pari të vijë leja për mua në fillim të vitit të ardhshëm. Por se a ndodh apo nuk ndodh, këtë nuk mund ta them. Nuk varet më asgjë prej meje. Unë kam shprehur gatishmërinë t'i bashkohem Kosovës. Sa më shpejt që vjen leja, aq më mirë si për mua ashtu edhe për Kosovën. Pritja nuk është në favorin e askujt. Unë shpresoj të paraqitem në mars me Kosovën", ka thënë Nuhiu për gazetën Koha Ditore.

Kosova në muajin mars do ta zhvillojë ndeshjen e pestë eliminatore për kampionatin botëror "Rusia 2018"...(Artikullin e plotë mund ta lexoni në numrin e sotëm të Kohës Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.