Maxhuni që kërkohet nga kolegjet në Amerikë nuk është kontaktuar nga Kosova [video]

26 Dhjetor 2016 - 23:37      

Edon Maxhuni, basketbollisti i ri i Kosovës, që përfaqëson Finlandën U-18 në basketboll, ka deklaruar se Kosova nuk e ka ftuar atë asnjëherë dhe se synon që në të ardhmen të luajë edhe në ligën më të fortë në botë NBA.

Me Finlandën ai zuri vendin e tetë në Kampionatin Evropian që u mbajt së fundmi në Turqi, duke realizuar suksesin më të madh me këtë kombëtare. Ai u dallua si koshashënuesi më i mirë i ekipit.

Në Interaktiv të KTV-së ai ka thënë se në vitin e ardhshëm pritet të bëjë ndryshime të mëdha në karrierë. Duke nisur nga ekipi senior i Finlandës e deri te interesimi i shumë kolegjeve në Amerikë, që është rrugë të cilën e ndjekin edhe yjet e NBA.

“Është ëndërr që prej fëmijërisë kam punuar për këtë dhe besoj se jam gati. Të presim e të shohim”, ka thënë ai për ofertat që i kanë ardhur.

Sa i përket Kosovës ai thotë se deri tani nuk ka pasur asnjë kontakt, por edhe nëse i vjen një i tullë do ta ketë të vështirë të zgjedhë.

“E kam përcjellë Kosovën, por fillimi është më i vështirë. Duhet durim. Për të luajtur për Kosovën është ëndërr, por deri tani s’ka pasur kontakt as me mua as me babanë. Nëse vjen ajo nuk e di si do të veproj.

© KOHA. Të gjitha të drejtat janë të rezervuara.