Kronikë e “KOHËS” për supersportisten

23 Dhjetor 2016 - 08:29      

Majlinda Kelmendi, aq sa është e zonja në tatami të xhudos, është edhe në shprehjet e formulimet e bukura gjatë intervistave. Por, të enjten mbrëma ajo mezi lidhte fjalët.

Ajo u mbërthye nga emocionet. Mes fjalive të shkurtra shpesh ndalej e fshinte lotët, teksa fliste për karrierën e saj të ndritur që arriti kulmin me medaljen e artë olimpike të fituar këtë vit në Lojërat Olimpike në Rio. E dëshmi për këtë dhe arritjet e tjera të saj në xhudo është libri nga botimet "KOHA" me titull "Majlinda, kronikë e suksesit të një supersportisteje", me autor gazetarin e "Kohës Ditore", Arsim Maxhera.

Në ceremoninë e Grupit "KOHA" për Sportistin e vitit 2016, ajo foli pak, por libri flet shumë për të.

Grupi "KOHA" ka nderuar xhudisten kampione të Lojërave Olimpike me librin për sukseset e saj, nga fëmijëria deri në Rio, të parin për të.

Majlinda ishte kryefjala e ceremonisë së 19-të të sportistit të vitit nga "KOHA", traditë e nisur më 1997. (Më gjerësisht mund të lexoni sot në Koha Ditore).

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.