Libri “MAJLINDA...” i “Kohës” befasi për Majlinda Kelmendin

22 Dhjetor 2016 - 20:48      

Grupi “KOHA” ka prezantuar librin më të ri me titull “MAJLINDA Kronikë e suksesit të një supersportisteje” për nder të xhudistes kampione Majlinda Kelmendi, që i solli medaljen e parë olimpike Kosovës, në Lojërat Olimpike “Rio 2016”.

Arsim Maxhera, gazetari i Kohës Ditore, i cili ka përcjellë Majlindën që nga hapat e saj të parë në karrierë e deri te sukseset kulmore, ka përmbledhur në një libër të gjitha detajet e karrierës dhe jetës së kampiones.

“Majlinda” iu dha si befasi Kelmendit në ceremoninë e sotme ku “KOHA” zgjodhi më të mirët e vitit 2016 në sport.

Kelmendi sërish ishte supersportistja e vitit sipas grupit “KOHA”, ndërsa çmimin për Sportistin e Vitit e mori karateisti Herolind Nishevci, e atë për Sportisten e Vitit xhudistja Nora Gjakova. Të dy këta ishin të tretët në botë në sportet dhe kategoritë e tyre.

Më të mirët e vitit 2016 në sport, sipas Grupit “KOHA” ishin:

Sportistja më e mirë e re e vitit

Distria Krasniqi (xhudo)

Sportisti më i mirë i ri i vitit

Milot Rashica (futboll)

Sportistja më e mirë e vitit

Nora Gjakova (xhudo)

Sportisti më i mirë i vitit

Herolind Nishevci (karate)

Klubi më i mirë i vitit në konkurrencë të femrave

Drita (volejboll)

Klubi më i mirë i vitit në konkurrencë të meshkujve

Sigal Prishtina (basketboll)

Punëtori më i mirë sportiv i vitit

Fadil Vokrri

Mirënjohje Post-Mortem

Esat Stavileci

Mirënjohje e veçantë

Feniksi (futsall)

Mirënjohje për vepër jetësore

Ferid Zekolli

Mirënjohje speciale për arritje kulmore në sport

Driton Kuka

Çmimi kryesor

Majlinda Kelmendi – për të cilën u botua një libër nga Botimet “KOHA”.

Sportisti i vitit, sipas votimit në internet

Majlinda Kelmendi

Tradita e grupit “KOHA” për të shpallur sportistët më të mirë të vitit ka nisur më 1997.

© KOHA. Të gjitha të drejtat janë të rezervuara.