Storia e jashtëzakonshme e skuadrës së vogël Altach

22 Dhjetor 2016 - 09:34      

Ekipi i Altachit, pas 20 xhirove në Bundesligën e Austrisë kryeson me 42 pikë, dy më tepër se gjiganti Red Bull Salzburgu. Klubi që vjen nga një fshat i vogël, po synon të arrijë suksesin që arriti Leicester City në Premier Leaguen e Anglisë stinorin e kaluar, shkruan sot Koha Ditore.

Ndoshta kurrë nuk keni dëgjuar për skuadrën SC Rheindorf Altach dhe kjo për një arsye të mirë.
Skuadra është nga një fshat i vogël austriak Altach, që ka një popullatë rreth 6.500 banorë dhe stinorin e kaluar pati një mesatare prej rreth 4.700 tifozëve për ndeshje.

Me gjithë bazën modeste, Altach është duke befasuar të gjithë dhe aktualisht po kryeson renditjen në Bundesligën e Austrisë.
Është ngritur në krye duke lënë prapa emrat si Red Bull Salzburg e Rapid Vjena. Gjithë këtë e ka arritur, ndonëse e ka humbur trajnerin muajin e kaluar.

Pas dekadash në ligat regjionale të Austrisë që nga formimi në vitin 1929, Altach është kthyer në skuadër profesioniste në vitin 1991.
U ngrit në Bundesligën e Austrisë për herë të parë në vitin 2006.
Në stinorin 2014-15, ekipi u kualifikua në Ligën e Evropës për herë të parë në histori.
Mposhti skuadrën portugeze Vitoria në fazën eliminatore, para se të pësonte në fazën e barazhit nga skuadra tjetër portugeze Belenenses. (gjerësisht, sot në “Kohën Ditore”).

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.