Shala thotë se punët në stadiumin e Prishtinës po ecin me dinamikë të kënaqshme

20 Dhjetor 2016 - 16:30      

Ministri i Kulturës, Rinisë dhe Sportit, Kujtim Shala, ka inspektuar punimet që po bëhen për renovimin e Stadiumit të Prishtinës dhe Palestrës së vogël të Sportit në Pallatin e Rinisë dhe Sporteve.

Sipas njoftimit nga MKRS, Shala ka deklaruar se punët po ecin me dinamikë të kënaqshme dhe po punohet me intensitet që stadiumi të jetë i gatshëm për zhvillimin e lojërave ndërkombëtare sa më parë, por duke mos përmendur datë specifike.

Po ashtu, Shala u shpreh i kënaqur me zhvillimin e punimeve në Palestrën e vogël të Sporteve në Pallatin i Rinisë, ku janë investuar 140 mijë euro për parket, 30 mijë euro për semaforët sipas standardit të FIBA-së, dhe 80 mijë euro në zhveshtore, me çka plotësohen kriteret për zhvillimin e aktiviteteve ndërkombëtare në basketboll, hendboll, volejboll dhe sporte të tjera.
 

© KOHA. Të gjitha të drejtat janë të rezervuara.