Në çerekfinale të Eurobasketit U18 Edon Maxhuni, bënë histori me Finlandën [video]

20 Dhjetor 2016 - 13:43      

Paraqitjet e tij, udhëheqja e lojës e mbi të gjitha pikët vendimtare, kanë bërë që Finalnda të bëjë histori në basketbollin evropian.

Edon Maxhuni, basketbollisti shqiptar, ka dërguar kombëtaren finlandeze deri në çerekfinale të Eurobasketit U 18 që po mbahet në Samsun të Turqisë, raporton KTV.

Djali i ish-basketbollistit të Prishtinës, Besim Maxhuni, është më meritori që Finlanda ka siguruar çerekfinalen, që është suksesi më i madh i kësaj kombëtareje në garat ndërkombëtare.

Finlanda ka dalë nga grupi B, ku ishin Gjermania, Turqia e Greqia, për të synuar tashmë gjysmëfinalen.

Edoni ishte vendimtar në të tri ndeshjet, me mesatare prej 17 pikëve dhe 3.3 asistimeve për lojë.

Në duelin e humbur kundër Gjermanisë, i shënoi 13 pikë, por ishte vendimtar në fitoren kundër Turqisë, me 20 pikë.

Kundër Greqisë, Finlanda humbi, por me vetëm 2 pikë disavantazh, gjë që i mundësonte kombëtares të kalonte grupin.

Finlanda synon tashmë gjysmëfinalen dhe ndonjë medalje, falë paraqitjeve të Edonit.

Ndeshja e radhës e Finlandës dhe Maxhunit të ri, është ajo kundër Italisë, të martën në kuadër të çerekfinales.

Në Turqi, janë një numër i madh i skautëve që po përcjellin edhe Edon Maxhunin, basketbollisti kosovar javë më parë, ishte në SHBA, për të zgjedhur njërin nga kolegjet për shkollim dhe mbase karrierë profesionale në NBA.

© KOHA. Të gjitha të drejtat janë të rezervuara.