Gabriel thotë se Guardiola ndikoi që të transferohej te City

19 Dhjetor 2016 - 17:46      

Sulmuesi i ri i Manchester Cityt, Gabriel Jesus, ka thënë se ka refuzuar oferta të majme të shumë klubeve vetëm që të shfrytëzonte mundësinë që të punojë me trajnerin Pep Guardiola.

19-vjeçari iu bashkua zyrtarisht Cityt gjatë verës pas transferimit nga Palmeiras, por do të nisë të luajë për klubin e ri nga janari i këtij viti.

“Ka pasur shumë oferta, por nuk do të them emra. Vendimi për t’iu bashkuar Cityt u mor nga unë, me familjen deh agjentin tim – dhe nuk ishte oferta më e mirë financiarisht. Kemi konsideruar shumë gjëra, por në fund më pëlqeu shumë projekti i Cityt dhe jam i lumtur që jam në një ndër ligat më të mira të botës. Nuk mund të mohoj që Guardiola më ndihmoi në vendim”, ka thënë Jesus për “FourFourTwo”.

Jesus udhëhoqi Brazilin në triumfin në Lojërat Olimpike.

© KOHA. Të gjitha të drejtat janë të rezervuara.