Tatli mbron titullin e Evropës, synon atë të botës

19 Dhjetor 2016 - 10:38      

Boksieri prizrenas Edis Tatli e ka mbrojtur titullin e Evropës (EBU) në kategorinë e lehtë në boksin profesionist.

Tatli, që jeton dhe vepron në Finlandë, triumfoi të shtunën mbrëma në Helsinki përballë italianit Manuel Lancia me nokaut teknik në raundin e nëntë, shkruan Koha Ditore.

Tatli 29-vjeçar dominoi përballjen dhe e mbylli para kohe. Për të ishte fitorja e 29-të në boksin profesionist (10 KO) karshi një humbjeje. Humbjen e vetme e kishte pësuar në shtator të vitit 2014, me pikë pas 12 raundeve nga kubani Richar Abril në meçin për titullin e botës në versionin WBA.

Tatli shpreson që së shpejti të vijë te rasti i dytë për të luftuar për titull bote në një nga katër versionet më të mëdha të boksit profesionist (WBC, WBA, IBF dhe WBO).

"Meçi shkoi mjaft mirë, unë e dominova dhe e mbylla para kohës përballjen. Unë pres së shpejti të vijë te rasti për të luftuar për titull të botës. Unë nuk kam ndonjë preferencë dhe jam i gatshëm të boksoj me cilindo kampion të jetë, mjafton të jetë vetëm për titull bote", ka thënë Tatli për gazetën.... (Artikullin e plotë mund ta lexoni në numrin e sotëm të Kohës Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.