Klopp i befasuar me Liverpoolin e tij të papërmbajtshëm

18 Dhjetor 2016 - 10:07      

Trajneri gjerman, Jurgen Klopp ka thënë se ka mbetur pafjalë me disa nga paraqitjet e ekipit të tij në sezonin e kaluar dhe atë aktual.

Në intervistë ekskluzive për Goal, ai ka thënë se, “kam parë disa ndeshje të lojtarëve të mi kur kam menduar: Ooof! Kishte ditë nga sezoni i kaluar kur askush s’do të mund të luante ndaj nesh, kur askush nuk do të donte të luante ndaj nesh”.

Klopp gjithashtu ka treguar se edhe në këtë sezon ka parë paraqitje të tilla, dhe ka cilësuar paraqitjen ndaj Arsenalit në ndeshjen hapëse që e ka befasuar.

“Kanë qenë disa minuta edhe në këtë sezon. Kundër Arsenalit, në 30 minutat pas pjesës së parë mendova, ‘Zot, çfarë është kjo?. Pastaj ndaj Chelseat ishte ndeshje shumë konkurruese, gjithashtu. Ata ishin vërtetë të fortë fizikisht dhe të përballësh dhe ta përballosh atë, ishte një performancë vërtetë shumë, shumë e madhe”, është shprehur Klopp.

© KOHA