Ngritja e Ismajlit, inspirim për lojtarët e rinj në vend

16 Dhjetor 2016 - 09:29      

Në edicionin e kaluar nuk grumbullohej nga Prishtina, ndërsa tash ka nënshkruar kontratë të re e të përmirësuar me Hajdukun, që i ka premtuar se shumë shpejt mund ta dërgojë në ndonjë ligë evropiane.

Bëhet fjalë për mbrojtësin Ardian Ismajli, që tashmë llogaritet pjesë e përfaqësueses së Kosovës në futboll. Ismajli të enjten ka njoftuar se e ka vazhduar për një vit kontratën me Hajdukun e Splitit, njërin prej klubeve më të adhuruara në rajon, shkruan sot Koha Ditore.

20-vjeçari me klubin kroat kishte kontratë të vlefshme deri në vitin 2019, ndërsa kontrata e re e "lidh" me klubin e "Torcidës" deri më 30 qershor të vitit 2020. Po ashtu me kontratë të re Ismajli ka përfituar kushte shumë më të favorshme te Hajduku.

Ndër të tjera i është rritur ndjeshëm edhe paga. Ismajli është shumë i kënaqur me pagën e re e po ashtu për faktin që klubi me kontratë të re ka treguar se u beson cilësive të tij.(Më gjerësisht mund të lexoni sot në Koha Ditore).

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.