Edhe Andrew Lawrence largohet nga KB Prishtina

11 Dhjetor 2016 - 18:31      

Edhe një basketbollist i huaj ka konfirmuar largimin nga gjiganti kosovar KB Prishtina.

Andreë Lawrence përmes një postimi në Instagram ka konfirmuar largimin nga Prishtina, transmeton Koha.net. Ai ka falënderuar klubin e Prishtinës për mundësinë e dhënë, ndërsa i ka uruar suksese në të ardhmen.

“Koha ime në Kosovë ka përfunduar, dua të falënderoj Sigal Prishtinën që më dha mundësinë të luaj për ta në FIBA Eurocup, Balkan League, dhe ligën e Kosovës. Ishte një përvojë fantastike, dhe takova disa njerëz që do të jenë miq të mi gjatë gjithë jetës. I uroj ekipit çdo të mirë në të ardhmen, dhe shpresoj të kenë shumë suksese”, thotë Lawrence.

Ditë më parë nga Prishtina ishte larguar edhe Marcel Jones, kurse tani mbesin vetëm edhe dy lojtarë të huaj, Jabarie Hinds dhe M.J. Rhett.

Prishtina për të dytin edicion nuk ka kaluar fazën e parë në FIBA Europe Cup. Tani synon dy trofetë e basketbollit kosovar e po ashtu titullin e Ligës Ballkanike. Të tre trofetë i ka fituar në edicionin e kaluar.

 

My time in Kosovo has come to an end, I want to say thank you to Sigal Prishtina for giving me the chance to play for them in Fiba Eurocup, Balkan League and the Kosovan league. I had a great experience and met some people that will be my friends for life. I wish the team the best moving forward and hope they have a lot of success. #prishtina #sigalprishtina #kosovo

A photo posted by Andrew Lawrence (@adrlawrence) on Dec 11, 2016 at 9:00am PST

© KOHA. Të gjitha të drejtat janë të rezervuara.