Mustafi: Do të rikthehem edhe më i fortë

11 Dhjetor 2016 - 16:29      

Pas lëndimit që pësoi në përballjen e djeshme kundër Stoke Cityt, Shkodran Mustafi ka thënë se do të rikthehet edhe më i fortë.

Mustafi dje pësoi një lëndim muskulor që pritet ta mbajë jashtë fushës të paktën për tri javët e ardhshme, transmeton Koha.net. Ai thotë se dëshironte që të luante kundër ish-klubit të tij Everton, si dhe ndaj Manchester Cityt, por një gjë e tillë tani është e pamundur.

“Asnjëherë nuk është momenti i duhur për t’u lënduar, por në këtë kohë të sezonit është ekstremisht i rëndë. Po pritja me padurim të luaja kundër ish-klubit tim, Evertonit dhe përballjen ndaj Manchester Cityt. Do të bëj gjithçka që është e mundur që të rikthehem sa më shpejtë që është e mundur. Kam vetëm mendime pozitive sepse e di se do të kthehem edhe më i fortë se më parë”, ka shkruar Mustafi në Facebook.

© KOHA. Të gjitha të drejtat janë të rezervuara.