Kuka: Evropa po krenohet me Majlindën, e Kosova s’ka liberalizim vizash

10 Dhjetor 2016 - 18:52      

Kosova po merr pjesë në Kongresin e Federatës Evropiane të Xhudos që është duke u mbajtur në Greqi, me ç’rast do të shpërblehen medalistët nga Evropa për prezantimin e suksesshëm të Evropës në Lojërat Olimpike në Rio.

Prezent në këtë ngjarje janë edhe kampionia Olimpike Majlinda Kelmendi, së bashku me Driton dhe Agron Kukën, transmeton Koha.net.

Driton Kuka përmes një postimi në Facebook ka thënë se Evropa po krenohet me arritjen e Majlindës, kurse Kosova ende s’ka liberalizim vizash.

“Evropianët medalistë nga Lojërat Olimpike në Rio sonte do marrin shpërblimet për prezantimin e suksesshëm të Evropës. Një nga medaljet e arta kontinentit tonë ia ka sjell Majlinda, e Kosova ende s’ka liberalizim vizash e Evropa po krenohet me të. Kemi vlera që edhe Evropa po krenohet”, ka shkruar Kuka.

© KOHA. Të gjitha të drejtat janë të rezervuara.