Kosova shpreson të përfitojë nga kualifikimet e kaluara

10 Dhjetor 2016 - 09:27      

Në përfaqësuesen e Kosovës në basketboll shpresojnë të kenë fat në shortin që tërhiqet të shtunën (sot), në mënyrë që të shmanget rënia në Divizionin B.

Shorti që tërhiqet të shtunën (sot) në Pragë është i vlefshëm për fazën parakualifikuese të Evropës për botërorin e vitit 2019. Në parakualifikime do të paraqiten 13 përfaqësuese evropiane. Të drejtën e paraqitjes e kishin të gjitha përfaqësueset që nuk janë kualifikuar për Eurobasketin e ardhshëm, ndërsa prej 27 përfaqësueseve të drejtën e shfrytëzuan 13. Në mesin e tyre është edhe Kosova, shkruan sot Koha Ditore.

Kosova më herët këtë vit zhvilloi ciklin e parë eliminator - i humbi të gjitha ndeshjet për "Eurobasket 2017". Përvoja e krijuar gjatë gjashtë ndeshjeve do t'i shërbejë Kosovës në ciklin e ardhshëm, thotë Drilon Hajrizi, njëri prej bartësve të lojës së Kosovës. (Më gjerësisht mund të lexoni sot në Koha Ditore).

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.