Liga rajonale e të rinjve, pa Kosovën

6 Dhjetor 2016 - 14:15      

Liga rajonale e të rinjve në futboll, në konkurrencën e meshkujve dhe femrave, pritet që të fillojë shumë shpejt pasi që u dakordua në takimin ndëmjet shtatë Federatave të Futbollit në Zagreb.

“Federata Kroate e Futbollit ka pritur përfaqësues nga Bosnja, Mali i Zi, Hungaria, Maqedonia, Sllovenia dhe Serbia në takimin konstruktiv gjatë të cilit u diskutua për fillimin e ligës së përbashkët, e cila si qëllim do të kishte ndikimin e zhvillimit dhe përvojën ndërkombëtare për futbollistët dhe futbollistet në kategorinë e moshës së re”, ka thënë Federata Kroate e futbollit.
Siç po shihet Kosova nuk përmendet këtu fare dhe del se ajo nuk do të jetë pjesëmarrëse në këtë nivel garash të futbollit.

Liga rajonale do të luhet nën përkujdesjen e UEFA-s dhe do të jetë prova më e mirë për fillimin e mundshëm të ndeshjeve të seniorëve.

© KOHA