Graniti i emocionuar që do të përballet përsëri me Taulantin

6 Dhjetor 2016 - 13:43      

Mesfushori shqiptar i Arsenalit, Granit Xhaka përmes një postimi në Facebook ka thënë se është shumë i emocionuar që do të luajë për herë të tretë këtë vit kundër vëllait të tij, Taulantit, si dhe ish-ekipit të tij Baselit.

Ai thotë se ky është takimi më emocional për të, pasi rikthehet në stadiumin ku gjithçka kishte filluar për të, transmeton Koha.net.

“Hej Basel, sërish kundër juve luaj. Ndeshja më emocionale për mua është sonte. Të luaj kundër ekipit ku kam lindur si lojtar, në stadiumin ku gjithçka ka filluar dhe e treta herë këtë vit që po luaj kundër vëllait tim më jep një ndjenjë të veçantë”, ka shkruar Graniti.

Baseli e pret sot Arsenalin nga ora 20:45.

© KOHA. Të gjitha të drejtat janë të rezervuara.