“Clasico” gjen ekipet me formë të ndryshme

3 Dhjetor 2016 - 08:56      

Nëntë muaj pas triumfit ndaj Barcelonës, që dukej se do të ishte ekipi i parë që do ta mbronte trofeun e Ligës së Kampionëve, Real Madridi do të kthehet në katedralen e futbollit "Camp Nou" për ndeshjen e xhiros së 14-të të La Ligas, që luhet të shtunën (sot, 16:15).

"El Clasico" i datës 2 prill që u mbyll me fitoren e Realit (2:1), i dha edhe fund serisë së Barcelonës prej 39 ndeshjeve pa humbje. Pas kësaj ndeshjeje Barça mori teposhtëzen dhe jo vetëm që regjistroi edhe tri humbje tjera rresht, por edhe u eliminua nga Liga e Kampionëve.

Por, "El Clasico" i parë i këtij edicioni do të zhvillohet me role të ndryshme. Barcelona po kalon formë të dobët, derisa Reali nuk di për humbje në 31 ndeshjet e fundit dhe prin në La Liga me 33 pikë, gjashtë më shumë se katalonjasit. (Më gjerësisht mund të lexoni sot në Koha Ditore).

© KOHA. Të gjitha të drejtat janë të rezervuara.