Kosova shpreson të marrë lojtarët që anojnë nga përfaqësueset e tjera

3 Dhjetor 2016 - 08:40      

Florent Hadërgjonaj e Ylli Sallahi e kanë opsion të hapur paraqitjen për Përfaqësuesen e Kosovës në futboll. Por dy lojtarët e krahut aktualisht anojnë nga përfaqësuese të tjera, përkatësisht Zvicra e Austria. Madje animi i tyre është i qartë.

Hadërgjonaj 22-vjeçar e ka mbyllur së fundi karrierën me U-21 të Zvicrës dhe mund të luajë tashmë vetëm për përfaqësuesen A të këtij vendi. Edhe Sallahi është 22-vjeçar dhe po ashtu ka mbyllur karrierën me U-21 të Austrisë. Ai në vazhdim mund të luajë vetëm për përfaqësuesen A të Austrisë, nëse ndërkohë nuk ndryshon mendje dhe vendos për Kosovën, shkruan sot Koha Ditore.

Me gjithë faktin se deklaratat e Hadërgjonajt e Sallahit dëshmojnë për dëshirën e tyre që të vazhdojnë të veshin fanellën e njëjtë, në përfaqësuesen e Kosovës në futboll shpresojnë që dy lojtarët do t'i bashkohen asaj. (Më gjerësisht mund të lexoni sot në Koha Ditore).

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.