Portieri Nivaldo pensionohet pas tragjedisë që i ndodhi bashkëlojtarëve të tij [video]

30 Nëntor 2016 - 19:26      

Portieri i klubit brazilian Chapecoense, Nivaldo, ka konfirmuar se do të pensionohet nga futbolli vetëm 24 orë pas tragjedisë me aeroplan në Kolumbi, në të cilën vdiqën 71 pasagjerë, përfshirë shumicën e bashkëlojtarëve të tij.

Nivaldo nuk udhëtoi me pjesën tjetër të ekipit drejt Kolumbisë për ndeshjen e parë finale në Copa Sudamerica me Atletico Nacionalin, sepse ishte vendosur që paraqitjen e 300-të për klubin ta bënte në fundjavë në shtëpi ndaj Atletico Mineiros.

42-vjeçari mungoi edhe në humbjen e fundjavës ndaj Palmeiras vetëm që të shënonte paraqitjen jubilare në shtëpi, por thotë se pas tragjedisë më nuk ka mundësi që të luajë.

“Ishte paraparë që të udhëtoja, por mbeta këtu. Për gjithçka ka një arsye në jetë. Nuk udhëtova të dielën drejt Palmeiras, sepse donim që në shtëpi ndaj Atletic-MG të kisha paraqitjen e 300-të për klubin. Plani ndryshoi dhe ata udhëtuan direkt nga Sao Paulo drejt Medellinit [aty ku ndodhi tragjedia]. Andaj Caio, trajneri, më tha se nuk do të më merrte”, ka thënë Nivaldo për “Globoesporte”, transmeton koha.net.

Vídeo: Nivaldo, goleiro há 10 anos na @ChapecoenseReal , que não embarcou para a Colômbia. pic.twitter.com/FhPTyBQK5C

— Eduardo Matos (@_eduardomatos) November 30, 2016

© KOHA. Të gjitha të drejtat janë të rezervuara.