Parlamentari skocez mungoi në seancë, ishte duke referuar

24 Nëntor 2016 - 09:03      

Parlamentari nga radhët e Partisë Konservatore në Skoci, ka humbur një seancë parlamentare për të referuar një ndeshje të Ligës së Kampionëve në Portugali.

Kjo ka çuar te thirrjet që Douglas Ross që të japë dorëheqjen nga posti i tij si zëdhënës në parti.

Ai ishte ndihmësrefer të martën mbrëma në ndeshjen e Ligës së Kampionëve ndërmjet Sportingut të Lisbonës e Real Madridit, të cilën e fitoi skuadra spanjolle 1:2 dhe kjo nënkuptoi se ai nuk ishte në gjendje të merrte pjesë në Komisionin e grupit parlamentar për drejtësi në Parlamentin e Skocisë.

Ross fiton 40 mijë funte në vit si ndihmësrefer, transmeton Koha Ditore.

Ai po ashtu është këshilltar i Këshillit Moray dhe udhëtimi i tij për në Portugali nënkuptoi se ai humbi edhe takime të tjera të Parlamentit, të martën.

Parlamentari skocez, Ben Macpherson, thotë se nuk është hera e parë që Rossit i ka penguar referimi në punën e tij parlamentare. (Më gjerësisht mund të lexoni sot në Koha Ditore).

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.