Mourinho dëshiron zgjatjen e kontratës me Unitedin

23 Nëntor 2016 - 16:40      

Trajneri i Manchester Unitedit, Jose Mourinho, ka deklaruar se “do të donte” të qëndronte në Old Trafford edhe më shumë se që parasheh kontrata e tij trevjeçare.

Mourinho ka nënshkruar kontratë trevjeçare me “Djajtë e Kuq” gjatë verës pasi zëvendësoi Louis van Gaalin, dhe tani ka deklaruar se dëshiron që të marrë me meritë ofertën për zgjatje të kontratës.

“Shkojmë hap pas hapi. Jam në fillim të kontratës sime, jam në fillim të procesit andaj shkojmë hap pas hapi. A do të doja që të qëndroja këtu më shumë se tre vjet? Po, do të doja shumë”, ka thënë 53-vjeçari.

Unitedi duhet të shmangë humbjen të enjten nga Feyenoordi në Ligën e Evropës në mënyrë që të mbesë në garë.

© KOHA. Të gjitha të drejtat janë të rezervuara.