De Biasi flet për bojkotin e tifozëve ndaj kombëtares

21 Nëntor 2016 - 22:14      

Përzgjedhësi i Shqipërisë, Gianni De Biasi, thotë se “Tifozët kuq e zi” që njoftuan për bojkot të kombëtares për shkak të masave të rrepta të sigurisë në ndeshjen me Izraelin, duhet të kuptojnë situatën.

Në një intervistë për TopChannel, De Biasi thotë se kjo ndeshje ishte e veçantë por kjo nuk do të përsëritet dhe tifozët duhet t’i kthehen ulëseve në stadium.

“Unë e mbështes tifozerinë me problemet që ata kane sepse unë mendoj qe tifozët tanë janë shumë të veçante. Por duhet të kuptojnë se kjo ndeshje ishte e veçantë, ishte nën objektivin e akteve terroriste. Kështu që edhe kontrollet e rrepta ndodhin në ndeshje me rrezik të lartë. Besoj se në ndeshjet e ardhshme nuk do të jenë këto lloje kontrollesh dhe besoj se ata do të hyjnë me qetësi dhe pa pësuar kontrolle fyese, që janë kundër frymë së sportit”, ka thënë ai.