Basketbollisti i rritur me rrëfimet për babanë boksier

20 Nëntor 2016 - 09:21      

Rinor Peci nga fëmijëria ka ëndërruar të bëhej sportist. Dhe, është bërë. Është rritur me tregimet për sukseset e babait të tij, Xhevdetit, që ka pasur karrierë të bujshme si boksier në ish-Jugosllavi.

Edhe pse është rritur me këto tregime, Rinori asnjëherë nuk ka mundur ta paramendonte veten si boksier. Por, as babai Xhevdeti nuk ka insistuar që i biri të shkonte hapave të njëjtë, shkruan Koha Ditore.

Pak a shumë, edhe Xhevdeti ka pasur një ndjenjë që Rinori nuk do t'i përkushtohej boksit dhe për këtë arsye as që i ka bërë presion. Në fund, Rinori ka bërë zgjedhjen e tij dhe tashmë ai është basketbollist i ekipit të parë të Sigal Prishtinës, me të cilin ka debutuar vitin e shkuar. Plejmejkeri 19-vjeçar llogaritet si e ardhmja e basketbollit kosovar.

"Si i vogël, kur dilja me babin, njerëzit që na ndalonin më thoshin se babai im ishte një legjendë e sportit të Kosovës për shkak të sukseseve të mëdha që i ka arritur në boks", shpjegon Rinori... (Artikullin e plotë mund ta lexoni në numrin e sotëm të Kohës Ditore).

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.