Prishtina fiton derbin, Drenica e Gjilani ndajnë pikët

19 Nëntor 2016 - 15:36      

Prishtina e ka mposhtur Besën e Pejës, me rezultat 2-0, të shtunën në “Agron Rama” të Kastriotit, në derbin e javës së 15-të të elitës së futbollit tonë.

Kryeqytetasit kanë zhvilluar ndeshje me të mirë se pejanët, duke arkëtuar tri pikë të mëdha në garën për titull të kampionit.

Mërgim Pevqelit në minutën e 12-të, dhe Endrit Krasniqit në minutën e 90+2, shënuan nga një gol për fitoren e prishtinasve.

Pas kësaj fitore, Prishtina merr kreun e tabelës me 34 pikë, një më shumë së Trepça ’89 e cila nesër luan kundër Llapit, kurse, Besa mbetet e pesta me 24 pikë.

Ndërkaq, ndeshje tjetër e ditës së sotme e luajtur në “Bajram Aliu” te Skenderajt mes Drenicës dhe Gjilanit është mbyllur baras 1-1.

Gjilanasit kaluan të parët në epërsi me golin e Isa Eminhazirit në minutën e 59-të, kurse, drenicasve një pikë ua siguroi Armend Abazi në minutën e 70-të.

Drenica arrin në kuotën e 18-të pikëve dhe zë vendin e tetë, aq sa ka edhe Gjilani në pozitën e shtatë.
Superliga / Java-15-të
Rezultatet
Prishtina – Besa 2-0
Drenica – Gjilani 1-1
Nesër takohen:
Drita – Liria
B.Kosumi, J.Musolli, E.Zeqiri, T.Maloku
Trepça – Hajvalia
B.Gashi, F.Jakupi, B.Rama, I.Shuleta
Llapi – Trepça’89
G.Nuza, D.Preniqi, B.Morina, H.Hajdari
Ferizaj – Feronikeli
B.Jahmurataj, F.Sekiraça, R.Hyseni, L.Mustafa
Të gjitha ndeshjet fillojnë në orën 13:00.