Në Qipro, Peja luan ndeshjen vendimtare

16 Nëntor 2016 - 09:12      

Peja kërkon fitore ndaj Petrolina AEK Larnaca për t'u stabilizuar në vendin e tretë në grup dhe për të rritur gjasat për kualifikim në raundin e dytë të FIBA Europe Cup, shkruan sot Koha Ditore.

Peja të mërkurën (sot, 18:00) në Larnaca të Qipros e luan ndeshjen e pestë në kuadër të Grupit G të FIBA Europe Cup. Aktualisht është e treta në grup me një fitore e tri humbje, ndërsa për të shpresuar që të kalojë grupin, i duhet të ruajë pozitën e tretë.

Fitoren ekipi pejan e ka arritur pikërisht ndaj AEK Larnacas, në ndeshjen e dytë, me shifrat 87:82. Ka humbur dy herë nga Cluj-Napoca e Rumanisë dhe një herë nga Gaziantepi turk. Ndeshjen e fundit e luan të martën tjetër kur e pret Gaziantepin. Që të ruajë vendin e tretë në grup, Pejës do të mund t'i mjaftojë edhe një humbje e lehtë nga AEK-u, me më pak se pesë pikë dallim. AEK-u është i fundit në grup, pa fitore të arritur.

Të mërkurën (sot, 19:00), ndeshje luan edhe Sigal Prishtina. Prishtina në Samokov të Bullgarisë, përballet me Rilski Sportist në kuadër të Grupit H. Por Prishtina është pa gjasa të kalojë tutje në raundin e dytë. (Më gjerësisht mund të lexoni sot në Koha Ditore).

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.