Zahavi: Merituam fitoren, ishim më të mirë se Shqipëria

13 Nëntor 2016 - 00:03      

Kapiteni i Izraelit, Eran Zahavi, i cili ishte një nga më të mirët në përballjen e sotme kundër Shqipërisë ka thënë se ekipi i tij ishte më i mirë se Shqipërise dhe plotësisht e meritoi fitoren.

Ai vlerësoi lartë punën e bërë nga trajneri Elisha Levy, transmeton Koha.net.

“Besuam se mund t’ia dalim dhe e pamë se ishim më të mirë se Shqipëria, dhe ajo është një ekip shumë i mirë, por Elisha Levy bëri një punë të shkëlqyer”, është shprehur Zahavi.

Kurse trajneri i Izraelit, Levy ka thënë se ekipi i tij fitoi me të vërtetë një ndeshje shumë të rëndësishme ndaj një kundërshtari shumë të fortë.

“Kjo ishte me të vërtetë një ndeshje e madhe. Ishte një terren i vështirë për ne ndaj një ekipi shumë të mirë si Shqipëria. Treguam karakter dhe shfrytëzuam situatat që na u dhanë. Meritat e plota i kanë lojtarët”, është shprehur ai.

© KOHA. Të gjitha të drejtat janë të rezervuara.