De Biasi: Episodet në këtë takim nuk shkuan në favor tonin

12 Nëntor 2016 - 23:04      

Trajneri i kombëtares së Shqipërisë, Gianni de Biasi pas takimit nuk ka dashur të komentojë rreth vendimeve të gjyqtarit kryesor, ndërsa ka thënë se episodet në këtë takim nuk shkuan në favor të ekipit të tij.

Shqipëria u mposht 0-3 në Elbasan nga Izraeli, ndërsa me karton të kuq u ndëshkuan Etrit Berisha e Berst Gjimshiti, transmeton Koha.net.

De Biasi ka thënë se penaltitë dhe kartonët e kuq e ndryshuan rrjedhën e takimit, dhe ndikuan direkt në fatin e ndeshjes.

“Nuk dua të kapem pas vendimit të arbitrit, kam thënë se Izraeli është një kundërshtar i vështirë, por penaltia dhe kartoni i kuq në pjesën e parë ndikuan në fatin e këtij takimi. Pas penaltisë së dytë dhe kartonit të dytë provova që të hap lojën me një sulmues, loja më pëlqye më shumë kur ishim me 10 lojtarë në fushë se sa kishim 11. Episodet në këtë takim nuk shkuan në favorin tonë. Pas atyre gjërave që ndodhën pastaj ishte më e vështirë për ne”, është shprehur De Biasi.

© KOHA. Të gjitha të drejtat janë të rezervuara.