Shala uron Krasniqin për titullin e kampiones evropiane në xhudo

11 Nëntor 2016 - 18:21      

Ministri i Kulturës, Rinisë dhe Sportit, Kujtim Shala, uron xhudisten Distria Krasniqi, për kurorëzimin si e para në Kampionatin Evropian U23 në xhudo, i cili po mbahet në Tel Aviv të Izraelit.

Ministri Shala përgëzon xhudisten Krasniqi dhe ekipin e saj për këtë sukses të arritur.

“Ky rezultat i Distrias është tashmë dëshmi se kemi krijuar vazhdimësi të fitoreve e sukseseve në sportin e xhudos dhe cilësinë që posedojmë si vend në këtë sport. Rezultati i xhudistes tonë është i mirëpritur jo vetëm për ekipin e saj dhe sportin e xhudos, por na gëzon e na bën krenar të gjithëve”, u shpreh Shala.

Këtë të arritur të radhës të Krasniqit, ministri e konsideron si një inkurajim që si ministri të punojë edhe më shumë në përkrahjen e sportistëve në paraqitje sa më cilësore në arenën ndërkombëtare të sportit por edhe të korrjeve të rezultateve të reja.

© KOHA. Të gjitha të drejtat janë të rezervuara.