Ujkani thotë se Kosova po komponohet dita ditës

10 Nëntor 2016 - 16:36      

Kapiteni i Kosovës, Samir Ujkani, ka deklaruar se ekipi është duke u kompozuar mirë para ndeshjes me Turqinë.

Kosova luan të shtunën si mysafire e Turqisë ndeshjen e katërt në fazën e grupeve eliminuese për “Rusia 2018”.

Ujkani pas stërvitjes së sotme të Kosovës ka thënë se e di që Turqia është e fortë, por beson që kosovarët do të bëjnë lojë të fortë dhe do të përmirësojnë gabimet nga ndeshjet e kaluara.

“Atmosfera është e mirë. Jemi një grup i ri interesant dhe kemi shumë talent dhe ngadalë po komponohemi dita ditës. Të jemi real sërish e kemi një ekip të fortë si Turqia, por ne duhet të kemi vetëbesim dhe të bëjmë lojë të mirë. Tash i dimë defektet tona dhe po përpiqemi që t’i mënjanojmë gabimet. Edhe Turqia është në krizë dhe ka ftuar lojtarë që më herët nuk ishin në përbërje. Do të ketë publikun e tij, por edhe ne do të bëjmë një lojë të fortë”, ka thënë ai.

© KOHA. Të gjitha të drejtat janë të rezervuara.