Juanfran i bindur që Atletico do ta mposhtë Realin

6 Nëntor 2016 - 11:43      

Ateltico Madridi u mposht nga Sociedadi dje, por mbrojtësi i saj Juanfran beson se ekipi i tij do ta mposhtë rivalin lokal Real Madrid në ndeshjen e radhës në La Liga.

Tani klubet do të kenë pushim për shkak të ndeshjeve me kombëtare, dhe pas kësaj dy klubet nga kryeqyteti spanjoll do të përballen në Vicente Calderon më 19 nëntor, transmeton Koha.net.

“Atletico tani ka më tepër kohë që të planifikojë këtë ndeshje të rëndësishme. Ne hyjmë në këtë takim me kokën lartë, dhe jam i sigurt se në shtëpi do të fitojmë”, është shprehur Juanfran, raporton Marca.

Juanfran, i cili është lënë jashtë kombëtares së Spanjës, tani do të ketë më shumë kohë për t’u përgatitur për derbin madrilen.

© KOHA