“Shpresoj që Arsenali do të shkatërrojë Tottenhamin”

5 Nëntor 2016 - 16:54      

Ish-lojtari i Arsenalit, Ian Wright shpreson që ish-skuadra e tij do ta shkatërrojë rivalin lokal Tottenham në derbin e javës së 11-të në Premier Ligë.

Arsenali në këtë sezon ka treguar një formë të shkëlqyer, kurse këtë shpreson që ta vazhdojë edhe në derbin londinez që është shumë i rëndësishëm për fansat e Arsenalit për shkak të rivalitetit të lartë me Tottenhamin, transmeton Koha.net.

“Vërtetë dua që Arsenali t’i shkatërrojë ‘Spursat’. Arsenali ka golat në ekip, kanë vetëbesim dhe po fluturojnë. Lojtarët kryesor si Ozil e Sanchez janë në një formë inspiruese. Ka gola në secilën pjesë të ekipit. Vincent Janssen nuk ka shënuar golat që i nevojiten Tottenhamit prandaj Harry Kane që rikthehet do të jetë në presion të lartë pasi ekipi ka nevojë për golat e tij”, ka thënë Wright për The Sun.

Arsenali e pret në “Emirates” Tottenhamin nesër nga ora 13:00.

© KOHA