Hajrizi kthehet në vendin ku bëri famë, e së fundi dhe armiq

5 Nëntor 2016 - 08:58      

Emri më i përfolur në basketbollin kosovar në tre muajt e fundit, Drilon Hajrizi, të dielën do të kthehet në vendin ku bëri emër.

Basketbollisti mitrovicas, Hajrizi, do të kthehet në palestrën buzë Ibrit, atë "Minatori" në Mitrovicë. Hajrizi nuk kthehet që të luajë për Trepçën, tek e cila skuadër u zhvillua dhe u bë i njohur, por që të luajë kundër saj.

Ai do të jetë në përbërje të Sigal Prishtinës që të dielën nga ora 18:00 luan me Trepçën në derbin e xhiros së gjashtë të Superligës së Kosovës në basketboll, shkruan sot Koha Ditore.

Hajrizi 25-vjeçar si lojtar është rritur në Mitrovicë, te Trepça. Në moshë shumë të re debutoi në nivelin senior dhe ka udhëhequr Trepçën për vite të tëra. Ishte lojtar i pëlqyer i tifozëve, ndërsa pati rol kyç në kampanjën shumë të suksesshme në edicionin 2011-12, gjatë së cilës Trepça fitoi titullin dhe Kupën e Kosovës. (Më gjerësisht mund të lexoni sot në Koha Ditore).

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.