MKRS-ja ka 10 muaj që dështon të ndajë bursa për shpresat

2 Nëntor 2016 - 08:19      

Kanë kaluar dhjetë muaj të vitit 2016 dhe dhjetë shpresat olimpike e paralimpike ende nuk kanë marrë as edhe një cent nga ajo që ua garanton Rregullorja e Ministrisë së Kulturës, Rinisë e Sportit për ndarjen e bursave për shpresat olimpike dhe paralimpike.

Kosova ndan bursa për 10 shpresa olimpike në vlerë 150 euro në muaj për secilin dhe lista rifreskohet çdo fillim vit, kur nis cikli i ri. Dhe, bursistët e sivjetmë po mbyllin ciklin e tyre pa marrë asnjë cent, shkruan sot Koha Ditore.

Në MKRS thonë se do të ndahen mjetet në fund të vitit, pasi të marrin edhe një raport për punën e gjithsecilit. Por, në fakt, bursat modeste u jepen sportistëve për të bërë atë punë, raportin e të cilës e kërkon MKRS-ja. (Më gjerësisht mund të lexoni sot në Koha Ditore).

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.