Bajrami 43-vjeçar kthehet në futboll për të “nxjerrë Hajvalinë nga kriza”

25 Tetor 2016 - 18:08      

Trajneri i njohur i futbollit Emin Bajrami, që udhëhoqi klubin e futbollit për femra Hajvalia drejt Ligës së Kampionëve, ka vendosur të kthehet në futbollin aktiv në moshën 43-vjeçare.

Kështu ka njoftuar vetë trajneri i njohur në rrjetin social Facebook duke thënë se do të mundohet ta nxjerrë klubin nga kriza e rezultateve.

“Duke e parë klubin e KF Hajvalia në krizë të thellë të rezultateve të dobëta, unë Emin Bajrami në moshën 43-vjeçare kam marrë një vendim të rëndësishëm. Duke mos pasur tjetër mundësi për t’i ndihmuar klubit nga sot do t’i kthehem fushës së gjelbër dhe do të mundohem që në maksimum të nxjerrë nga kriza e rezultateve dhe do të mundohem të jem shpëtimtar i Hajvalisë”, ka shkruar ai në Facebook.

Pas dhjetë xhirosh të zhvilluara në sezonin e ri, Hajvalia ka vetëm pesë pikë në tabelën e superligës dhe është e fundit në renditje.

© KOHA. Të gjitha të drejtat janë të rezervuara.