De Boer është lodhur me spekulimet për largim nga Interi

25 Tetor 2016 - 15:40      

Trajneri holandez, Frank de Boer është i frustruar për spekulimet që po vazhdojnë rreth largimit të mundshëm të tij nga Interi, për shkak të rezultateve jo të mira në këtë fillim sezon.

Interi ka rënë në vendin e 14 në Serie A, duke marr vetëm një pikë nga katër ndeshjet e fundit, transmeton Koha.net. Por, De Boer nuk është duke e menduar largimin.

“Kam filluar të lodhem nga këto biseda për të ardhmen time. E vetmja gjë që ka rëndësi tani është ekipi. Është një moment i vështirë për mua, për ekipin dhe për secilin, por duhet të jemi të bashkuar që të përmirësojmë gjërat. Është vetëm çështje kohe para se të ndryshojnë gjërat, e di që futbolli nuk të jep shumë kohë dhe është i vështirë, por ne jemi të fokusuar vetëm në ndeshjen ndaj Torinos”, ka thënë De Boer, raporton Goal.

© KOHA