Clevelandi e Golden State favorizohen për një tjetër finale

25 Tetor 2016 - 11:15      

Skuadrat e NBA-së do të hapin stinorin e ri këtë javë me optimizëm, por mund të jetë shpresë e rrejshme për të gjitha me përjashtim të Cleveland Cavaliersave dhe Golden State Warriorsave që po pritet të luajnë mes vete për herë të tretë rresht në finalen e madhe të NBA-së.

LeBron James që udhëhoqi Clevelandin katër muaj më parë drejt një rikthimi sensacional në finalen e NBA-së ndaj Golden Statet nga disavantazhi 3:1 për një triumf 4:3, sërish do të udhëheqë skuadrën e zemrës, që është dukshëm para ekipeve të tjera në Konferencën Lindore, përcjell Koha Ditore shkrimin e Reuters.

Të mbrohet titulli i kampionit në NBA është gjëja më e vështirë dhe derisa Clevelandi, që hap stinorin të martën mbrëma me përballjen kundër New York Knicksave, do të përballet me konkurrencë të fortë, prapë nuk do të testohet vërtet deri në fazat finale të plejofit.

Rreziku më i madh i Clevelandit për fronin në Konferencën Lindore mund të jetë Toronto Raptors, skuadër të cilën e mposhti pas gjashtë ndeshjeve në finale të konferencës stinorin e kaluar... (Artikullin e plotë mund ta lexoni në numrin e sotëm të Kohës Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA