Konfirmohen të nominuarit për ‘Topin e Artë’

24 Tetor 2016 - 11:13      

Janë konfirmuar disa nga të nominuarit për çmimin e lojtarit më të mirë në botë nga France Football.

Këtë herë do të ketë ndryshime, nga 23 sa kanë qenë më parë tani janë 30 të nominuar për më të mirin e botës, shkruan ESPN. Pas gjashtë vjete bashkëpunimi me FIFA-n, ky çmim prestigjioz rikthehet te rrënjët e saj.

I dhënë për herë të parë më 1956, për anglezin Sir Stanley Matthews, “Topi i Artë” më nuk do të votohet nga trajnerët e ekipeve kombëtare dhe kapitenët dhe mediat ndërkombëtare, por tani çmimi do të jepet vetëm nga votat e gazetarëve, transmeton Koha.net.

Në këtë vit nuk do të ketë reduktim në treshen më të mirë, por që të gjithë janë në garë për ta fituar këtë çmim, i cili do të jepet më 13 dhjetor.

Deri më tani janë të nominuar vetëm 10 lojtarë, kurse 20 të tjerët pritet të konfirmohen në vazhdim.

Deri më tani të nominuarit janë:

Sergio Aguero (Manchester City), Pierre-Emerick Aubameyang (Borussia Dortmund), Gareth Bale (Real Madrid), Gianluigi Buffon (Juventus), Cristiano Ronaldo (Real Madrid), Kevin De Bruyne (Manchester City), Paulo Dybala (Juventus), Diego Godin (Atletico Madrid), Antoine Griezmann (Atletico Madrid), Gonzalo Higuain (Juventus).

© KOHA. Të gjitha të drejtat janë të rezervuara.