Reed premton të vendosë në favor të Pejës ndeshjet e barabarta

24 Tetor 2016 - 08:20      

Shumë ndeshje të Pejës në edicionin e kaluar ishin vendosur në sekondat e fundit. Sidomos me Sigal Prishtinën, Peja nuk kishte bilanc pozitiv në ndeshjet që vendoseshin me gjuajtjen e fundit.

Këtë edicion skuadra pejane nuk ka pse të frikësohet kur ndeshja është e barabartë deri në fund, shkruan Koha Ditore. Tashmë e ka lojtarin që nuk frikësohet të marrë përgjegjësi dhe që dërgon topin në kosh edhe kur gjuan në sekondat e fundit të ndeshjes. Kur gjuan për fitore.

Ishte basketbollisti amerikan i krahut, LaMarcus Reed, që të shtunën mbrëma ia siguroi Pejës fitoren ndaj Trepçës me gjuajte të saktë, një sekondë pa u mbyllur ndeshja. Peja fitoi derbin e xhiros së tretë të Superligës së Kosovës në basketboll me shifrat 56:54.

Ndeshja u luajt në palestrën e stërmbushur "Minatori" në Mitrovicë. Reed për pak çaste heshti tifozët në palestër, por "Torcida" dhe shikuesit mitrovicas iu kthyen këngës shumë shpejt, me gjithë humbjen... (Artikullin e plotë mund ta lexoni në numrin e sotëm të Kohës Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.