Gazmend Sinani konfirmon largimin nga KB Bashkimi

22 Tetor 2016 - 21:11      

Basketbollisti i përfaqësueses së Kosovës, Gazmend Sinani do të largohet largohet nga klubi prizrenas KB Bashkimi për të nisur aventurën e re në një nga klubet evropiane.

Sinani për Koha.net ka konfirmuar largimin nga KB Bashkimi, ndërsa klubin e ri të tij ka thënë se do ta konfirmojë javën e ardhshme.

“Po, do të largohem nga KB Bashkimi. Por në javën qe vjen ju tregoj se ku do iki”, ka thënë Sinani për Koha.net.

Kurse përmes një postimi në Facebook ka falënderuar klubin dhe fansat për mbështetjen që i kanë dhënë gjatë kohës sa ka mbrojtur ngjyrat e Bashkimit, për të cilin ka thënë se është klubi që i ka mundësuar të bëj hapin e madh në karrierën e tij.

“Dua t’i falënderohem klubit të Bashkimit, tifozëve dhe qytetit të Prizrenit për pritjen e ngrohtë dhe ditët e mrekullueshme që kaluam së bashku. Edhe pse nuk kemi qenë së bashku për një kohë të gjatë, më keni bërë të ndihem si në shtëpinë time. Bashkimi më ka mundësuar që të bëjë një hap të madh në karrierën time, të luaj në Evropë. Shpresoj të takohemi sërish në të ardhmen. I juaji, Gazmend Sinani”, ka shkruar ai.

© KOHA. Të gjitha të drejtat janë të rezervuara.