Mourinho: Nuk është rezultati që donim, por është pozitiv

17 Tetor 2016 - 23:29      

Jose Mourinho, trajner i Manchester Unitedit, ka deklaruar se “Djajtë e Kuq” donin fitoren në përballje me Liverpoolin, por edhe barazimi konsiderohet rezultat pozitiv për të.

Liverpooli dhe Unitedi barazuan pa gola në xhiron tetë të Premier Ligës, ndërsa pas takimit portugezi thotë se ekipi i tij kontrolloi ndeshjen, edhe pse Liverpooli pati dominimin.

“Nuk është rezultati që donim, por është pozitiv. Është rezultat që ndal rivalin e drejtpërdrejtë që të fitojë tri pikë në shtëpi andaj nuk është rezultat i keq. Ndeshja ishte e vështirë për të dy ekipet, por më shumë ishte vështirë për ta sesa për ne. E kontrolluam ndeshjen jo vetëm taktikisht, por edhe emocionalisht. Ndoshta ishte Anfieldi më i qetë që kam përjetuar ndonjëherë. Mendoj se ishte performancë pozitive”, ka thënë ai për BBC, transmeton koha.net.

© KOHA. Të gjitha të drejtat janë të rezervuara.