Casemiro: Nëse do të varej nga unë do të luaja nesër

11 Tetor 2016 - 11:07      

Mesfushori i lënduar i Real Madridit, Casemiro është shprehur se nëse do të varej nga ai do të rikthehej nesër në fushë për të luajtur.

Braziliani nuk është paraqitur që nga lëndimi që kishte pësuar më 18 shtator në fitoren prej 2-0 ndaj Epsanyolit, transmeton Koha.net.

Mungesa e tij ka ndikuar shumë në paraqitjet e Real Madridit, e cila ka barazuar në katër ndeshjet e fundit, ndërsa në asnjë ndeshje nuk e ka mbajtur portën e paprekur, që dëshmon mungesën e madhe të brazilianit në mesfushën madrilene.

“Lëndimi më dhemb shumë pasi nuk ka trajtim, ashti duhet të shërohet vetvetiu. Në pishinë bëj shumë gjëra për të mbajtur fitnesin tim”, ka thënë Casemiro për Onda Cero.

“Nëse do të varej nga unë, do të rikthehesha nesër, por është një lëndim i komplikuar. Kemi pasur fat të keq. Marcelo, Modriq e Ramos gjithashtu janë lënduar”, ka thënë ai.

© KOHA